عطني القلم بكتب من الشعر تبيان
دام القريحه اتهيظت با المثايل
وبدور الشعر المرتب ابقيفان
وبنثر من الدر المنقى الجمايل
واشوفني غارق وفاالشعر هيمان
تلعب بي الأفكار وتعمل عمايل
في مدح شيخٍ مفعمٍ فيه الايمان
وياليت اوفي حق راعي الفظايل
اسمك يا بوخالد شرف كل ميدان
وتشهد ميادين الشرف باالفعايل
يا عزوة الخايف و واحة امان
ويا فازع المظيوم اذا الدهر مايل
ياكم لبيت الندى وين ما كان
كلِّ الشهد لك يا حميد الخصايل
واذا الكريم ايمد مدات الامزان
انت سحاب الغيث وسط المخايل
مرتاح شعبك ما شكا هم واحزان
عاهدت ثم اوفيت وأعلنت قايل
هم الدواء والا الغذاء حق الانسان
وانا ظمين الحق وشلت الثقايل
وكم زعيمٍ في الوباء بات خيفان
ووقف أبوخالد وياب البدايل
ربي يحفظك سيدي طول لزمان
وتبقى الذخر يلي اشتهر باالمثايل
