الجزيرة ومتجع بالي
والطبيعه تشرح البالي
الهوى والجو والخضرة
والبحر ابمويه العالي
المطر والغيم والبارق
والنجم يضحك ويختالي
والتعب والهم كد الروح
والشير امسوي اظلالي
الفكر يسرح ويتنقى
والمزامل طوع تحلالي
والشعر تتحدر ابياته
ونوصف المنظر ولمثالي
والقوافي وزانة ابياتي
والصدر والعجز فاكمالي
خايفٍ من حد يتنقد
اوعذولٍ بالحسد شالي
خبر الطيار بنسافر
مكتفي من زود ترحالي
أشهد انه للوطن عزه
هو حياتي وموطني الغالي
وين ما سرنا تفرجنا
بس كلمة حق تنقالي
مثل داري مول ما شفنا
ولو بذلت الروح والمالِ
العدل والأمن سايدها
وللصدارة عندها ابطالي
دام بوسلطان ع القمة
وابو راشد ذرب لفعالي
والعضيد محمد المخلص
نسخة من زايد تراوالي
يعل داري غيث وامطاري
لا بثٍ شهرين همالي
والعشب يكبر ويرعونه
ويكثر الثيل ع ليبالي
