بطي المظلوم
لو ودعك اهلك ودارك والاحباب
تبقى حبيب الشعب عشقه وطيبه
تدعيلك كفوفٍ من اصحاب واقراب
وتطلب من المعبود رحمه وثيبه
ما يختلف ياشيخ في حبك أصحاب
يا نسل زايد والقروم النجيبه
الله يصبر قلب من قلبه اصطاب
وآزم من الشطات روحه تعيبه
أهلك وشعبك والقرابه والانساب
ودموع دارك لي تراها صعيبه
طيبك وفعلك للعرب مصدر اعجاب
ولاهي تراها يا خليفه غريبه
عساك في الفردوس ولك كل ما طاب
جنات عدنٍ لي وصوفها عجيبه
تدعيلك شعوبٍ بها حب واعجاب
يالله عسى الدعوات تبقى مجيبه
زر الذهاب إلى الأعلى