لونا العريقي
سلام لأمي ويوصل فايح عطره
ممزوج بالمسك ضوى نوره الغدره
سلام يوصل بجنح الطير لك شطره
والشطر مسطور ما يكمل بلا سطره
كل القصايد ولا توفي محبتها
كل الحروف المنيفة ضيعت فكره
لاجيت بوصف غلاها شد بي فكري
سارح وأذكر أبونا ذي صفى ذكره
في حبها كان يكتب ويتغنى له
وفي وصفها عاجز التعبير عن شكره
هذا وأنا ما لتقيت بها ولكني
صادفتها حلم واللقيا بها بكره
هذي ترى أمي وأمي حبها فطره
أم الإمارات بالأوصاف مشتهره
صفى لها الشعر في كره وفي فره
كالموج محبوب في مده وفي جزره
وهي سمية حبيبة سيدنا حرة
وأسميت بنتي عليها (فاطمة) الدره
لاتصدقي مادحين البشت والغترة
بس لامدحك الشعر صادق وله عذره
