مريم الشحي
تذكِّرني ليالي البرد
بْحكي أمي وسوالفها
واحس ان السوالف صوف
تدفيني
وتاخذني بعيد عن الشتا والخوف
وعالم خارج المألوف
كثر ما اشتقت لك يمه
انا بردانه
“وين الصوف!!”
*****
لا تلوم الحظ وانت اللي حلو
كمَّلك ربي من الزين وعطاك
والعذارى قلـوبهم منّك غلو
كلهم يرجون نقطه من حلاك
*****
عينك تناظرني من بعيد لـ بعيـد
وانا خفوقي مشتبك مع خفوقك
شوقي معك يازين يحتاج تجديد
حبٍ حفظته سر وابسط حقوقك
والحب مثل العمر ياعمري يزيد
وياليت عشقٍ ساقني لك يسوقك
*****
ليت الرسايل كلها منك بس انت
لو هي بنـص الليل اجمل رسايل
حتى لو اني بالقصـايـد تفـنـنت
رسايلك تسـوى البيوت الجزايل
يقول شعـري: “قبلها لـو تزينت”
واقول: “ودي لكن البخت مايل
زر الذهاب إلى الأعلى