مبارك سالم الكعبي
خذ فوادي واقبله مني هديه
وكان مايكفيك خذ باقي حياتي
ذا قليل ولابعد وايد عليّه
لو ملكت الكون كله لك فداتي
والمثل قال الهديه بلاجزيه
وأنت تستاهل جميع المكرماتِ
صيغتك الأخلاق والنفس السخيّه
والجمال إلي حوى كل الصفاتِ
فيك حبي صار قصه واقعيّه
مزمنه وحبك يزيد إلي العلاتي
صابني لي صاب قيس العامريّه
منك وأنت عاد أدرى بكل ذاتي
ياحياتي شوف بما صار فيّه
والسبب تأخير وصلك ياغناتي
كان مالك لي يمحبوبي بغيه
أقبل كتابي وبه تلقى وصاتي
خذ من ثيابك ومن عطرك شويه
واعمل كفاني عليّه فالمماتي
وأكتبوا من فوق قبري ذا ضحيه
لجل توضيح السبب فالمعضلاتِ
وياهلي بالعون لاتنسوا الوصيه
عند بيته ادفنوا قبري بثباتِ
يعل موتي قبل موته فالمنيّه
ويعل عمره يطول ويتم بهاتي
