“ذكراهم ” نايلة الأحبابي      –      الإمارات

استعاض القلب ذكراهم
و استهاض الفكر طاريهم

أبعدوا و العين سكناهم
مادروا بأشواق مغليهم

ليت من هو سافر وياهم
سعد عين اللي يراعيهم

يا عرب ماريت شرواهم
في وفاهم في معانيهم

بالوفا طابت سجاياهم
و الندى في صفحة ايديهم

لهفة بالقلب لولاهم
ما كتبت الشعر انا فيهم

ليت نوصلهم و نلقاهم
لي زمان الوصل يلعيهم

يسقي الله ساعة رضاهم
غايةً بالروح نرضيهم

يعل ودق هلّ و اسقاهم
م الحيا والخير يرويهم

لين ينبت روض ماطاهم
و تزهر الدنيا حواليهم