ما أتوب     راشد شرار  –   الإمارات

 (هذه القصيدة للشاعر الكبير راشد شرار كلمات أغنية ترى النور في 24  ديسمبر 2021)

حبي ادوّر فيك عن بعض العيوب

لقيت عيبك طيبتك زايد وفاك

واحد وتتهافت على حبك قلوب

وانا الذي قلبي من الناس اصطفاك

اسمك لقيته يالغلا بكل الدروب

لو كنت روحي ماشي القاني معاك

يا شمس حبي يا عسى ما لك غروب

تبقى علي منور واحيا في ضياك

    سبحان ربّك لبسّك مالزين ثوب

    يعني فريد ولا خلق ربي شراك

واحد وفي عيني ترى تساوي شعوب

من هو يشوفك يحسبك انك ملاك

شفني انا يا زين مغرم بك  اذوب

صاير انا كلي على راحة يداك

شمال انظر او بعد انظر جنوب

في الشرق ثم الغرب يالغالي أراك

مالحب تابت ناس لكن ما اتوب

يعني فلا دنيا ولا عيشٍ بلاك

تدري اذا هبت على قلبي هبوب

كنها تلف افوادي بطاهر غلاك