الشيخ د. سلطان بن محمد القاسمي
تهاني السنانية
خمسين عام وفوقهن عام .. وعمار
ياديرةٍ غنّى لها حرف القصيد
إشراقةٍ قد حيّرت شمس النهار
للشارقه شمسٍ ولاغابت أكيد
إلى الأمام وفي تطوّر وازدهار
كل يوم فيها تنظر الشي الجديد
في ظل حاكمها افرقت عن كل دار
وتلبّست م اللولو والدر النضيد
لي بالإرادة وكل عزمٍ واقتدار
سوّى لها نقلة من النوع الفريد
زود المشاريع الكبيرة باختصار
أكبر دليل ولي بها الشي المفيد
ما يبدي بوقت اللوازم الاعتذار
وصعب المواقف مالها غيره عضيد
لاصار به يعني كبير الإفتخار
من حقّنا والحق عنّه ما نحيد
الشيخ سلطان الرجل صاحب قرار
والكل في أفعاله العظمى يشيد
القاسمي خذها بعين الإعتبار
من قبل لاتضلع لها حمّى الحديد
واللي يفكّر م الشجر يجني الثمار
يبقى اهتمامه بالشجر دايم يزيد
وياشيخ يا من طيبتك دايم شعار
الشاهد الله يوم شوفك يوم عيد
صح لسانك الشاعره تهاني