“ناطور الزمان” زياد عقيقي – لبنان

ساعة البيدقّ ناطور الزمان
رح كون ناطر..
فاتح بوابي
بمشي معو بْلا خوف
..وبْدِلّو كمان
من وين درب الليل …عالغابه
..بمشي معو
…وَحدي معو
وصمتي ملان…
تارك البيت البيت..
وتارك تيابي
آخد معي
شو في معي بقلبي حنان
وشو في حنان بقلب أصحابي
وبترك ورايي الباب
مفتوح اللسان
وبترك ورايي للغياب…كتاب
مبلكي الهوا بشي عمر
هزّ الباب
وفات ومرق ..
فلفش ورق الكتاب
بيقرا شو تارك دمع..
بكتابي