راشد شرار
أبوسلطان غادرنا وبقت الاوطان
تنوح وتشكي فراقه بدم دموع
دموع الشعب يالوافي جري وديان
وقلوبٍ داميه والله ما بين اضلوع
لانك انت من اسمك بكل لسان
لانك كنت لعيال البلد ينبوع
فياضٍ ما وقف والله من الجريان
وفنجانك ونحنا بعيد فك الصوع
رحمك الله يالغالي يا بوسلطان
تغادرنا وشعبك تتركه موجوع
خليفه يارفيع القدر عالي الشان
تخلينا وتغادرنا بليّا ارجوع
يا قايدنا ونحنا بناظرك خلّان
وليّ الأمر وامرك سيدي مسموع
يا نادر بالملا مثلك خلق إنسان
يامن لك كان لزم الحب لزم الطوع
على حبك تراها تشهد البلدان
وطيبك في إماراتك تراه ايضوع
بدونك كيف تحلى عندنا القيفان
بلا ذكرك يا صعب نلاقي الموضوع
رحمك اللي خلقك الباري المنان
ولك الفردوس وانته النبي مجموع
نحن نستودعك الله وهو الرحمان
عسى يرحمك وانته بجنته مودوع
نحن نوعدك تبقى عندنا منصان
ولك قدرٍ بيبقى دايمٍ مرفوع
